מָּצָאתָנִּי

וַיֵּצְאוּ גְדוּדִים וַיִּקְחוּ נַעֲרָה קְטַנָּה מִן־אָבִיהָ וַיַּעַבְרוּ אֶת־הַיַּרְדֵּן וְהַנַּעֲרָה לֹא יָדְעָה אַיֵּה אָבִיהָ.
וַתָּשֶׂם הַנַּעֲרָה סֵפֶר בְּכַּד קָטןֹ וַתִּסְגֹּר אֶת־הַכַּד וַתַּשְׁלֵךְ אֹתוֹ עַל־מֵי הַיַּרְדֵּן.
וַיֵּלֶךְ הַכַּד עַל־מֵי הַיַּרְדֵּן נֶגְבָּה וַיְהִי הַכַּד עַל־מֵי יָם הַמֶּלַח.
וַתֵּרֶא עָזְנִיָּה אֶת־הַכַּד וַתִּקַּח אֹתוֹ מִמֵּי הַיָּם וַתָּשָׁב אֶל־קִנָּהּ וְהַקֵּן בְּעֵץ.
וַיַּעַל נַעַר אֶת־הָעֵץ וַיַּרְא כַּד בְּקֵן הָעָזְנִיָּה וַיִּקַּח אֹתוֹ מִן־הַקֵּן וַיֵּרֶד וַיֵּלֶךְ אֶל־עִירוֹ.
וַיִּקְרָא אֶל־אַנְשֵׁי עִירוֹ לֵאמֹר מִי חָפֵץ בַּכַּד הַזֶּה? אִם־חָפַצְתָּ בּוֹ תֶּן־לִי כֶּסֶף וַיִּתֵּן אִישׁ זָקֵן לַנַּעַר כַּסְפּוֹ וַיִּקַּח אֶת־הַכַּד.
וַיֵּלֶךְ הַזָּקֵן אֶל־בֵּיתוֹ וַיִּתֵּן הַזָּקֵן אֶת־הַכַּד אֶל־אִשְׁתּוֹ וַיִּחַר לָהּ וַתִּזְעַק אֵינֶנּוּ יָפֶה הַכַּד הַזֶּה וַתַּשְׁלֵךְ אֶת־הַכַּד הַחוּצָה וְהַכַּד נִשְׁבַּר.
וַיִּרְכַּב גִּבּוֹר עַל־סוּס וַיִּמְצָא אֶת־הַכַּד הַנִּשְׁבַּר בַּדֶּרֶךְ וַיִּקַּח אֶת־הַכַּד בְּיָדוֹ וְהִנֵּה סֵפֶר בְּתוֹכוֹ וַיִּקְרָא אֶת־הַסֵּפֶר וַיֵּבְךְּ וַיִּזְעַק בִּתִּי בִתִּי מְצָאתִיךְ אַצִּיל אוֹתָךְ מִידֵי הַגְדוּדִים.
וַיִּרְכַּב יַרְדֵּנָה וַיַּעֲבֹר אֶת־הַיַּרְדֵּן וַיַּצֵּל אֶת־בִּתּוֹ מִידֵי הַגְדוּדִים וַתֹּאמֶר הַנַּעֲרָה אֶל־אָבִיהָ אֲנִי מְצָאתִיךָ וְאַתָּה מְצָאתָנִּי.